• Бугунги сана: Dushanba, Noyabr 20, 2017

Зулфия мукофоти: биз кимни алдаяпмиз?

Агар мени тўғри тушунсалар «Виртуал қабулхона»боп бир муаммо бор. Шуни ёзсамми дейману, лекин тўғри тушунмаслигидан қўрқаман. Чунки «ватанпарвар»ларимиз кўп. Ёшларга берилаётган эътиборни кўролмаётганликда айблаб қолишидан ҳадиксирайман. Гап, Зулфия номидаги давлат мукофоти ҳақида. Менимча, ана шу нуфузли мукофотнинг низомини ўзгартириш керак. Нима учун?

Биринчидан, 15-16 ёшли ўсмир қизалоққа давлат мукофоти бериш мантиқан тўғри эмас. Ҳали ҳаётнинг аччиқ-чучугини тотмаган, эл-юртга фойдаси тегмаган, ўз соҳасида ниманидир ЯРАТИБ қўймаган ўсмирга бу меҳрибончилик «оғирлик» қилади.

Иккинчидан, мукофот нотўғри тақсимланмоқда. Раҳматли Зулфия умрида бадиий гимнастика, кураш ёки сакраш билан шуғулланмаган. Лекин айни спорт чемпионларига Зулфия мукофоти берилмоқда. Бу мантиқан тўғри эмас. Агар чемпион қизларни рағбатлантириш керак бўлса, Тўмарис мукофотини таъсис этиш керак.

Учинчидан, Зулфия номидаги давлат мукофоти фақат қизларга хосланиши тўғри эмас. Борингки, фақат қизларга хосланганда ҳам умумий АЁЛ ИЖОДКОРЛАРга берилиши лозим. Чунки шу пайтгача юзлаб ўсмир қизлар ушбу мукофотга соҳиба бўлдилар. Лекин бугун улар қани? Нега муҳташам адабиётимиз саҳнасида ижодни қойил қилиб қўйган бирорта Зулфиячи кўринмайди? Кўринаётганларининг ҳам сохта, роботга ўхшаб «ватанпарвар»лик қилиши кишининг энсасини қотиради. Савияси баланд ижодкор ўзини бунақа тутмайди.

Тўртинчидан, «Зулфия номидаги давлат мукофоти тўғрисида»ги низомнинг «мукофот соҳибалари бўлган мактаб, лицей, коллеж ўқувчилари танлаган йўналишлари бўйича олий ўқув юртларига кириш имтиҳонларисиз қабул қилинадилар.», деган жойини ўчириб ташлаш керак. Ана шунда бир қадар адолат қарор топган бўлади.

Хулоса, ўзимизни алдашни бас қилайлик. Ўзимиз ўтирган шохни арралашни тўхтатайлик. Эндигина ҳаётга қадам қўяётган болаларимизнинг биринчи қадами сохталикка, порахўрликка, адолатсизликка бориб тушмасин! Ана шунда шоира Зулфиянинг ҳам руҳи шод бўлади.

Алишер Назар

Калит сўзлар: ,

Дўстларингиз билан улашинг:


  • AKROM Жавоб бериш
    12 oy олдин

    ASSALOMU ALAYKUM! TO’G’RI, BU MUKOFOT KIMNI PULI BU’LSA SHUNGA BERILMOQDA. XOTIN-QIZLAR QO’MITASIDAN OLINISHI KERAK. YOZUVCHILAR UYUSHMASIDA MAXSUS KOMISSIYA YOKI BIR GURUH TASDIQLANSA YAXSHIROQ BO’LARDI.

  • Fazliddin Жавоб бериш
    12 oy олдин

    1. Nima, To’maris gimnastika bilan shug’ullanib kurashga tushgan ekanmi??
    2. Bu gaplaringiz tanqidmi yoki xayolotni jamoat bilan bo’lishishmi??
    3. Chindan ham siz o’ylagan ishlar qilinsa rahmatli Zulfiyaning ruhi shod bo’lishini qayerdan bildingiz??

    • Khamidov_91 Жавоб бериш
      12 oy олдин

      Aqlli, senga uxshaganlar tufayli jamiyat rassvo bo’lmoqda. Dunyo qarashini darajasi o’zing belgilabsan…

  • Avaz Жавоб бериш
    12 oy олдин

    Qoyil… Tanqidingiz maqtovga sazovor… Fikringizga qoshilaman…

  • Bahodir Жавоб бериш
    12 oy олдин

    Juda ma’noli gaplar. O’zingizga ma’lumki ushbu mukofotni qaysidur maktab direktori, yoki kollej rahbari bermaydi. Mukofotni berish uchun, kerakli kishilar mulohoza qilip, har tomonlama o’ylab, so’nga berishadi. To’g’ri ayrim berilgan mukofotlar qo’shtirnoq ichida aytilganda kimningdur jiyani yoki qizi bolishi mumkun, ammo besh qo’l barobar emas.
    Mening fikrimcha buni muhokama qilish bizga emas, buni barchasi odilona baxolanmoqda hamda ularga beriladigan imtiyozlar ham juda to’g’ri deb hisoblayman!

  • Убайдуллахон Жавоб бериш
    12 oy олдин

    Зулфия кайси даврда кимлар ва нималарни ёритиб олкишлаб танилган шахс? Юртимиз халки Зулфияни Кайси жихатдан Нодирабегим йоки Зебинисо ёинки Анбар оналаримиз каби азизларимиз каторида курадилар?

  • Хоқон Жавоб бериш
    12 oy олдин

    Назаримда, Зулфия мукофоти айрим маҳмадона қизларга гапириш, ўз-ўзини кўз-кўз этиш учун дастак бўлиб қолаётгандай. Негадир барчасининг гапи, руҳияти бир-бирига ўхшашдай туюлади менга. Худдики, ҳаммасининг калласига бир хил матн терилган флешка солиб қўйилганга ўхшайди. Ҳаамаси баландпарвоз руҳда чунонам бидиллашадики, гап-сўзидан гоҳида ижирғанаман…

  • Dilnura Жавоб бериш
    12 oy олдин

    Maqolada hech qanday asosni ko’rmadim. Bu davlat mukofoti! Tanlovni xolis va haqqoniy o’tkazish yuzasidan Komissiya tuzilgan. Respublika bosqichiga tavsiya etilgan hujjatlar Prezident apparati mutaxassislari tomonidan ko’rilb chiqiladi. Buning ortida katta mehnat va mehnat yotibdi.Mukofot o’zining munosib egalarini topmoqda.

  • Go`zal Rashidova Жавоб бериш
    11 oy олдин

    Assalomu alaykum. Muammoning odilona yechimi bitta ))) O`sha siz tavsiya qilgan to`rtinchi bo`limga to`la qo`shilaman, ya’ni – «Зулфия номидаги давлат мукофоти тўғрисида»ги низомнинг «мукофот соҳибалари бўлган мактаб, лицей, коллеж ўқувчилари танлаган йўналишлари бўйича олий ўқув юртларига кириш имтиҳонларисиз қабул қилинадилар.», деган жойини ўчириб ташлаш керак. )))) Mukofotga talabgorlar soni keskin kamayadi. )))))

  • Клеопатра Жавоб бериш
    9 oy олдин

    Salom! Menga bu maqolangiz juda yoqdi, huddi ichimdagi gaplarni yozgandaysiz go’yo. Ushbu mukofot nizomi bo’yicha 15-16 emas, balki 14 yoshli qizlar ham olish huquqiga egalar. Siz aytganingizdek adabiyot bilan shug’ullanadigan qizlar emas, sportchi yoki san’atkorlar taqdirlanmoqdalar. Bu esa o’z o’zidan yoshlar o’rtasida kitobga bo’lgan mehrni kamaytirib yubormoqda. Madaniyat yoki san’at yonalishidagi qizlar uchun bu mukofotdan tashqari yana qancha mukofotlari bor. Misol tariqasida: Nihol, Sport ustasi, E’tirof. Shularni qay birida adabiyotchilar taqdirlanadilar? Hech qaysisida. Nutqi ravon, so’z boyligi ko’p, kitob mutolaa qiladigan qizlarni qidirish kerak menimcha.Toshkent shahrini olsak, qancha yildan beri bu yerda faqat madaniyat yoki sport oladi. Adabiyotchi olganini eshitmaganman ham. Ha balkim bu yo’nalishdagi qizlar yaxshi ijod qilmas. Lekin o’sha sportchilardan ko’ra ko’proq kitob o’qib, izlanadi.

Э-почтангиз ошкор қилинмайди. Тўлдирилиши шарт қаторлар * белгиси билан ажратилган.

Бу ерда HTML теглари ва аттрибутларидан фойдаланишингиз мумкин: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>